Snakk om verkemiddel i Skylappjenta

Kortfilmen Skylappjenta har mange ulike verkemiddel. Finn verkemidla og diskuter kva funksjon dei har i filmen.

Del 1: Sjå filmen

Viss du har gjort del 1 av læringsstien, har du allereie sett filmen minst éin gong. Men no skal du sjå filmen igjen og prøve å legge merke til kva for verkemiddel det er i han.

Mens du ser, skal du skrive ned alt du meiner er viktige verkemiddel i filmen.

Filmlengde 10:18

Kva er eigentleg verkemiddel?

Verkemiddel er ulike måtar å fortelje ei historie på. Målet kan vere å gjere temaet tydelegare for den som ser filmen.

Vanlege verkemiddel i film er

musikk
lys/mørke
fargar
symbol. Du kan lese meir om symbol i fagartikkelen "Symbol".

Tips: Alle desse verkemidla er viktige i kortfilmen Skylappjenta.

Del 2: Diskuter i grupper

Gå saman i grupper. Fortel kvarandre kva for verkemiddel de har funne.
Kva funksjon meiner de verkemidla har i filmen? Altså – kvifor trur de Iram Haq (regissøren) har brukt desse verkemidla?

Litt hjelp?

Her er nokre verkemiddel de kan snakke om:

To viktige symbol er hjartet og sommarfuglen. Kva meiner de desse to skal bety? Legg til dømes merke til at jenta følger etter sommarfuglen.
Musikk blir brukt for å lage ulike stemningar og få fram temaet. Korleis?
- Når er det glad musikk?
- Når er det skummel musikk?
- Når er det typisk "norsk" musikk?
Når er det lyse fargar, og når er det mørke fargar?
Blir fargen raud brukt på nokon spesiell måte?

Del 3: Samanfatt i klassen

Samanfatt i klassen det de meiner er viktige verkemiddel i filmen. Snakk òg om kva funksjon de meiner verkemidla har.

Gå vidare i læringsstien for å øve deg på å skrive eit avsnitt om verkemiddel i Skylappjenta.

Skriv ein analyse av Skylappjenta

Del 1: Sjå filmen

Kva er eigentleg verkemiddel?

Del 2: Diskuter i grupper

Litt hjelp?

Del 3: Samanfatt i klassen