Oppgåve

Skriv essay om kropp i tekst

Menneskekroppen er skildra i alle moglege sjangrar og medium. Du les om kropp i aviser og bloggar, og du møter bilete av kropp overalt.

Mann med fargerike tatoveringar på kroppen heklar eit fleirfarga plagg. Foto. — Mange bilete sementerer dei inngrodde oppfatningane våre om kropp og kjønn. Er du merksam på korleis bileta rundt deg påverkar?

Vis kunnskap

Eit godt essay krev at du har kunnskap om emnet du skriv om, slik at du kan trekke inn ulike meiningar og perspektiv. Du skal òg reflektere over andre sine og eigne synspunkt. I essayet ditt er det forventa at du siterer og refererer andre tekstar som klargjer og støttar momenta du har med.

Oppgåve

Skriv eit essay der du reflekterer over kva for nokre, kven sine og på kva måte kroppar er representerte i tekstar. Kva slags kroppar møter vi, korleis blir dei framstilte, og kva haldningar speglar dette?

Tips til tekstar om og med kropp i fokus

Les, lytt til og sjå tekstar som på ulike måtar tematiserer kropp. Samarbeid gjerne med andre: Del tekstane mellom dykk og noter ned stikkord, gode poeng og sitat de kan bruke i essayet. NB! Hugs å notere ned kvar du hentar kva frå, slik at du kan føre kjelda korrekt i ei kjeldeliste.

Tekstar om temaet
Les!	Lytt!	Sjå!
Representasjon er viktig	Det perfekte menneske	chrisrygh instagramkonto
Hvor er kropper som min?	Carina Elisabeth Carlsen: Kroppspositivist	mort1rulle instagramkonto
Slik kan du få sommerkroppen på bare fire uker	Kroppen som sosiokulturelt fenomen	teddy.milkshake instagramkonto
Med fokus på kroppen		danaemercer instagramkonto