Døden i Håvamål
I Den eldre Edda finn vi diktet Håvamål. Det er eit gudedikt på 164 strofer. Diktet skal vere Odins tale og gir oss innsikt i verdiane og mentaliteten til vikingane. Eitt av temaa i diktet er døden.
- Les dei to strofene frå Håvamål under høgt for kvarandre i grupper.
- Diskuter: Kva haldningar til døden synest de strofene viser? Kva veit de om vikingane og norrøn mytologi som kan forklare innhaldet i dei to strofene?
- Synest de desse to strofene er aktuelle i dag? Eller har det moderne mennesket eit anna syn på døden?
- Skriv ned det de har diskutert i oppgåve b og c.
Utdrag frå Håvamål | Ordforklaring |
|---|---|
Vers 77 Fe dør, Vers 78 Fe dør, | Fe: Husdyr Ettermæle: Det omdømmet du har etter døden |
Ei lita gåte: Dei to strofene frå Håvamål er fulle av rim. Finn du dei?
Kvifor hadde vikingane dette synet på døden? Dette kan du finne ut av ved å utforske den kulturhistoriske konteksten til Håvamål. Det vil seie at du lærer deg meir om den tida tekstane kom ut i.
- Les dei to fagartiklane under og skriv to avsnitt som kan forklare noko om synet vikingane hadde på døden.
- Samanlikn teksten de har skrive i grupper: Har de lagt vekt på det same?
Relatert innhald
Kva førte til at den norrøne mannen fekk ære? Og kva handlingar kunne føre til tap av ære?
Førestill dykk at menneskja av ei eller anna årsak opplever ei stor krise og nesten går under, men nokre få overlever. I år 3000 ønskjer desse menneska å undersøkje noko om forholdet 2000-talsmennesket hadde til døden. Til alt hell finn dei to strofer som handlar om nettopp dette.
Jobb saman og skriv desse strofene. De skal bruke bokstavrim, akkurat slik vikingane gjorde.