Oppgåve
Utforsk symboler
Vi omgir oss med symbol kvar einaste dag, ofte utan at vi legg merke til det. I desse oppgåvene skal du utforske kva ulike symbol kan stå for.
Del 1: Emojiar
Mange bruker ofte emojiar i staden for bokstavar i ulike tekstmeldingar.
- Kva betyr symbolikken i samtalen under? Skriv samtalen med berre bokstavar.
- Sjå på den siste samtalen du hadde med nokon på mobilen. Kva symbol bruker du mest, og kva betyr dei?
Kvardagssymbolikk.
Del 2: Symbolikk i kunstverk
To skulpturar i Vigelandsparken.
Sjå på biletet ovanfor. Kva kan kroppsspråket til dei to figurane symbolisere?
Del 3: Symbolikk i flagg
Det samiske flagget.
Her ser du det samiske flagget. Kva symboliserer ringen og dei ulike fargane?
Del 4: Religiøse symbol
Kva står desse tre symbola for?
Del 5: Symbol i dikt
Dei fire diktlinjene nedanfor er begynninga på eit dikt som forfattaren og journalisten Nordahl Grieg las opp frå NRKs radiostasjon i Tromsø den 17. mai 1940.
- Kva var annleis enn tidlegare på denne 17. mai?
- Forklar symbolbruken i dei to første linjene.
I dag står flaggstangen naken
blant Eidsvolls grønnende trær.
Men nettopp i denne timen
vet vi hva frihet er.(Grieg, 1940)
Relatert innhald
Symbol
Les om symbol som språkleg verkemiddel.