Oppgåve

Video

Snakk om motiv, tema og bodskap i Skylappjenta

Kortfilmen Skylappjenta er enkel å forstå for deg som held på å lære norsk. Bruk filmen til å snakke om motiv, tema og bodskap i klassen.

Kortfilmen Skylappjenta

Sjå kortfilmen Skylappjenta (lengde 10:18)

Til læraren

Kortfilmen Skylappjenta er godt eigna til elevar med norsk som andrespråk sidan det er så lite dialog i han. Temaet blir først og fremst formidla av det visuelle. Det er òg ein film som eignar seg godt til å bruke om du skal undervise om motiv, tema og ulike språklege verkemiddel.

Del 1: Bakgrunn

Her får du vite litt om Iram Haq, filmen Skylappjenta, og kva "skylappar" betyr.

Iram Haq

Iram Haq er fødd i Noreg.

Foreldra er frå Pakistan.

Iram Haq er filmregissør og skodespelar.

Skylappjenta

Skylappjenta handlar om ei ung jente som bur i Noreg, men har pakistanske foreldre.

Filmen bygger på eventyret om Raudhette og ulven.

Skylappar

Skylappar er lappar ein set ved auga til hesten.

Målet er at hesten ikkje skal sjå til sida og bli forstyrra.

Del 2: Sjå filmen

Sjå filmen Skylappjenta. Set dykk saman i grupper og snakk om dette:

Kva meiner de filmen vil fortelje dykk?
Var det nokon scenar de hugsar spesielt godt? Forklar kvifor.
Likte de filmen? Kvifor / Kvifor ikkje?

Del 3: Sjå filmen ein gong til

No skal de sjå filmen om igjen, minst éin gong. Målet er å forstå filmen betre. Du kan laste ned dokumentet under og skrive inn i dette mens du ser filmen.

Skylappjenta(DOCX)

Del 4: Les om motiv, tema og bodskap

Les fagartikkelen "Motiv, tema og bodskap".

Del 5: Diskuter motiv, tema og bodskap

Gå saman i par eller grupper. Diskuter kva de meiner er
- motivet i Skylappjenta
- temaet i Skylappjenta
- bodskapen i Skylappjenta
Del tavla i tre. Alle gruppene fortel høgt kva dei meiner er motiv, tema og bodskap. Læraren noterer ned det de seier.

Gå vidare for å øve deg på å skrive eit avsnitt om motivet i Skylappjenta.