Tjaeleme-maalle: Filme-analyse

Raerieh

Daejnie maalline sïjhtebe vuesiehtidh guktie maahtah analysem tjaeledh. Ih iktegisth daarpesjh gaajhkide daejtie tsiehkide vaestiedidh. Filmesne naan vierhkie-vierhtieh maehtieh joekoen vihkeles årrodh. Dellie byörh daaj bïjre tjaeledh jïh ih daarpesjh vierhkie-vierhtiej bïjre tjaeledh mah eah filmesne.

Maahtah naan tsiehkieh tjåanghkan bïejedh jïh ektesne vuejnedh. Maahtah ektiedimmiem vuejnedh tjoehpemen jïh dramaturgijen gaskem? Guktie tjoevkem nuhtjeme? Stijlese jallh sjangerasse veadtaldihkie?

Guktie filme-analyjsem tjaeledh

Analyse byöroe aalkoem, åejvie-boelhkem jïh galhkuvem utnedh.

1. Aalkoe (jeenemes 200 baakoeh)

   • Jaepie: Gåessie filme bööti?

   • Laante: Gusnie dorjesovveme?

   • Regissööre: Gie regissööre? Gie manusem tjaaleme? Maam regissööre aerebi dorjeme?

   • Mennie sjangerisnie filme?

   • Guktie filme ållermaahteme? Filmen heannadimmieh siebriedahkese veadtaldihkie?

   • Maam vihkeles åtnah analysesne? Sjïere teema?

2. Åejvieboelhke

   1. Dahkoe-referaate (jeenemes 200 baakoeh). Tjaelieh åenehks mij heannede filmesne.

   2. Vuajnoe jïh soptsestimmie-vuekie (jeenemes 100 baakoeh)

      • Gie soptsestæjja filmesne?

      • Ov-våajnoes soptsestæjja? Manne-hammosne?

      • Vuajnoe baajnehte guktie mijjieh filmem dååjrebe?

      • Gien vuajnoe? Guktie soptseståvva?

   3. Soptsestimmie-struktuvre (jeenemes 100 baakoeh)

   4. Dramaturgije (jeenemes 200 baakoeh)

   5. Karakteerh filmesne (jeenemes 300 baakoeh)

      • Buerkesth karakteeride. Mah jïjtsevoeth utnieh? Guktie dej gaskem?

      • Gie heartoehtæjja jïh gie anti-heartoehtæjja?

      • Karakteerh ussjedammes?

   6. Tjaelieh åenehks guktie vaarjoeh, tjoevkem jïh jeatjah viehkie-vierhtieh nuhtjeme filmesne.

   7. Mij filmen teematihke jïh dïjre? Guktie filme dïjrem bigkie?

3. Tjaelieh galhkuvem