Forsøk: Påvising av protein og karbohydrat i mjølk

Lære korleis ein kan påvise protein og laktose i mjølk.

Fehlings væske er ein mørkeblå løysning som skifter farge til
mursteinsraudt når vi varmar opp væska med eit monosakkarid i
tillegg til disakkarida mjølkesukker (laktose) og maltsukker
(maltose). Væska held på blåfargen når ho blir varma opp med
sukrose eller stivelse.

1. Tilset 1 dL lettmjølk i eit 300 mL begerglas. Varm opp under omrøring til 40–50 °C.
2. Tilset ei matskei eddik. Når mjølka skil seg, kjem ostestoffa opp som ein kvit deigklump. Ostestoffa inneheld feitt og protein.
3. Ved hjelp av ei vekt og varedeklarasjonen på mjølkekartongen kan vi sjå at det aller meste av ostestoffa er protein. Det som er att i begerglaset, kallar vi myse. Myse er i hovudsak vatn og laktose.
4. Tilset Fehlings væske og varm opp. Kva skjer?