Oppsummeringsoppgåver – evolusjon

Påstanden legg til grunn at evolusjonen har eit mål, og at apar har hatt større framgang enn det mus har hatt. Både apar og mus har utvikla seg gjennom naturleg utval, og mus kan vere like godt (til og med betre!) tilpassa miljøet sitt enn det apar er. At vi gjerne oppfattar apar som meir intelligente enn mus, er ei anna sak.

Dei erteplanteindivida som utnyttar ressursane i området best, kan utkonkurrere andre individ i kampen om ressursane. Dermed vil dei få moglegheita til å produsere frø, slik at eigenskapane som gav plantane ein fordel, blir førte vidare til neste generasjon. Genfrekvensane for dei fordelaktige eigenskapane vil auke og bli vanlegare i dei neste generasjonane.

Sidan det er vanskeleg for hoene å skilje hannane frå dei to ulike artane frå kvarandre, vil dei to artane sannsynlegvis begynne å gyte med kvarandre. Viss dei får levedyktig avkom, vil det ikkje vere forplantningsdyktig.

Fowler, S., Roush, R. og Wise, J. (2013). Concepts of Biology. OpenStax. https://openstax.org/details/books/concepts-biology