Forsøk: Løyselegheit
Føremålet med forsøket er å undersøke løyselegheita til nokre stoff i ulike løysemiddel.
Tilset litt vatn til eit reagensglas og litt isopropanol til eit anna reagensglas.
Tilset nokre saltkorn i kvart av glasa.
Røyr med ein rørepinne, og observer kva som skjer med saltkorna.
Gjenta trinn 1 til 3, men byt ut saltet med andre faste stoff, som til dømes sukker og små bitar av stearin.
Observer kva som skjer, og skriv inn resultata i ein tabell som den under.
Namn | vatn som løysemiddel | isopropanol som løysemiddel |
|---|---|---|
bordsalt | ||
stearin | ||
| sukker |
Forklar kvifor nokre stoff løyser seg i vatn, mens andre løyser seg i isopropanol.
Korleis kan dette eksperimentet brukast til å forklare prinsippet om at "likt løyser likt"?
Korleis kan du bruke denne informasjonen i kvardagen?
Kva kan du gjere for å få vassløyselege stoff til å løyse seg i feittløyselege stoff?
Relatert innhald
Vatn speler ei viktig rolle i svært mange av funksjonane til kroppen, som opptak av næring, transport, fordøying og temperaturregulering.