Spill
Memory – omgrep om arvestoff
I dette spelet skal du kople saman omgrep med riktig forklaring. Memoryspelet passar for to personar.
Spelekort til memory. Bilete: Kristin Bøhle / CC BY-SA 4.0
Vedlagt finn du eit A4-ark med omgrep og eit A4-ark med omgrepsforklaringar (Word og PDF). Skriv ut arka i to forskjellige fargar og klipp opp memory-korta. Legg alle korta opp ned på bordet og bland dei.
Spelereglar for to personar
Den eine spelaren startar med å snu to lappar – ein av kvar farge. Viss forklaringa på det eine ikkje passar saman med omgrepet, legg spelaren dei tilbake med baksida opp. Så er det nestemann sin tur.
Om forklaringa passar saman med omgrepet, tek spelaren vare på stikket og trekkjer to nye lappar. Den som har flest stikk til slutt, vinn.
Ekstra utfordring
For å gjere spelet litt meir utfordrande kan de bestemme at omgrepet skal trekkjast først. Deretter må spelaren gi ei forklaring på omgrepet før han/ho kan trekkje ein lapp med forklaring.