Forsøk: Undersøk objekt i ein plastilinklump

Denne oppgåva gir eit inntrykk av korleis det er å orientere seg om ein har få sansar. Den eineste "sansen" du har her, er ein pinne du kan stikke i plastilinen med.

Du skal finne ut kva som er inne i plastilinklumpen utan å opne han for å sjå. Undervegs skal du setje opp hypotesar om kva denne gjenstanden kan vere.

Ein teori er, i naturvitskapen, ei grunnleggjande framstilling som det er stor grad av semje om.
Ut frå observasjonar stiller forskarar opp hypotesar som dei ønskjer å teste ut. Hypotesar er kvalifiserte gjettingar eller førehandsmeiningar.
Deretter utfører dei forsøk for å avsløre om hypotesen er feil. Det kallar vi å falsifisere hypotesen.
Dersom forskarar ikkje klarer å falsifisere hypotesen, kan han vise seg å vere rett..

Plastilin, ukjend gjenstand, strikkepinne eller en utrettet binders

1. Kvar person/gruppe får utlevert ein klump plastilin med ein ukjend gjenstand i.
2. De skal prøve å finne ut kva denne gjenstanden er, ved å stikke i klumpen med strikkepinne, utretta binders eller liknande.
3. Først skal de prøve å lage ein hypotese (ei gjetting) om kva som er inne i klumpen, utan å gjere noko anna enn å sjå på han.
4. Etter 5 stikk skal de lage ein ny hypotese om kva som er inne i klumpen (eller behalde den gamle hypotesen om han framleis verkar sannsynleg).
5. Deretter skal de stikke 5 gonger til, og lage ein ny hypotese.
6. Gjer det same for kvart 5. stikk heilt til de har totalt 25 stikk.
7. Den siste hypotesen er den endelege hypotesen.
8. Opne deretter klumpen og drøft korleis innhaldet samsvarar med hypotesen.

Hypotese før første stikk:
Hypotese etter 5 stikk:
Hypotese etter 10 stikk:
Hypotese etter 15 stikk:
Hypotese etter 20 stikk:

Endeleg hypotese etter 25 stikk:
Kva var det som var inne i klumpen?

Korleis gjekk det med den endelege hypotesen din?