Oppgave
Å setje pris på naturen
Ein ting er å setje pris på naturen, ein annan er å setje ein prislapp på han. Kva meiner du reint vatn er verdt? Kva ville du betalt for ein tur i skogen?
På tur i skogen. Bilete: Frank May / CC BY-NC 4.0
- Diskuter med ein medelev: Kan ein setje ein pris på verdien naturen har, i kroner og øre?
- Korleis ville de i tilfelle gått fram for å bestemme prisen på eit tre, ein innsjø eller eit fjell?
Lytt til utdraget frå radioprogrammet Verdibørsen der professor og miljøøkonom Ståle Navrud snakkar om korleis ein kan sjå på verdiar i naturen ut frå eit økonomisk perspektiv.
- Kva for argument blir brukte til å grunngi at det kan vere nødvendig å sette ein “prislapp” på naturen?
- Kva for motargument kan det vere?