Oppgåver til filmen Idéer og stilarter i grafisk design
Før de ser filmen
Opprett ei felles digital tavle i klassen. De kan bruke Padlet, Samtavla eller liknande verktøy. Gi tavla tittelen "Trendar og stilartar i grafisk design".
Artikkel: Innføring i Samtavla
Søk på nett og utforsk grafiske arbeid laga av Geir Henriksen og Aslak Gurholt, dei to grafiske designarane du møter i filmen. Finn to døme kvar og lim dei inn på den digitale tavla. Skriv ein kort forklaringstekst til kvart døme der du grunngir kvifor du valde desse døma. Hugs å få med tittel på arbeidet, publiseringsåret og opphavspersonen.
"Det finnes forskjellige trender samtidig, og i hovedsak kan de kategoriseres i to retninger", fortel Geir Henriksen i filmen.
Kva to stilartar refererer han til?
Søk på nett og finn eitt døme på kvar stilart. Skriv kort om kvifor du meiner døma dine har dei typiske kjenneteikna til stilarten.
Utforsk kva uttrykk som er i bruk i dag. Kva trendar er aktuelle for tida? Finn to døme på grafisk design som du meiner viser ein aktuell trend. Bruk til dømes søkjeordet "graphic design trends 2022", så får du opp forslag frå dette året. Last opp begge døma på tavla, og grunngi valet ditt.
Til slutt ser de på den digitale tavla saman i klassen. Samanlikn og oppsummer arbeidet de har gjort.
Tips til spørsmål de kan bruke i oppsummeringa:Kva har vi lært?
Korleis kan kjennskap til stilartar hjelpe oss i arbeidet med grafisk design?
Kva påverkar oss når det gjeld design?
Bør vi vere oppdaterte på trendar, eller vil det svekkje den kunstnariske fridommen vår?
Relatert innhald
Her får du tips om korleis du held deg oppdatert på trendar innan grafisk design og illustrasjon.
Her får du tips om nettstader der du kan laste ned lyd og bilete til fri bruk eller med avgrensa lisens.