Om filmen

Økonomisk: Dei deltek i det ordinære arbeidslivet.
Sosialt: Dei deltek på uformelle sosiale arenaer og har eit nettverk som omfattar etnisk norske.
Aktivitetsmessig: Dei deltek aktivt i nabolaget, på foreldremøte, i frivillige organisasjonar og i politikken.

Vi følger 15 år gamle Mariana, kalla Marey, som bur i ei leilegheit på Romsås med den etnisk norske mora si, den chilenske faren sin og veslebroren sin.

Storebroren Hector er i militæret og skaper splid i familien når han kjem heim og fortel at han skal bli stasjonert i Afghanistan. For faren, som flykta frå krig, verkar det uforståeleg at nokon vil delta i krig frivillig.

Filmen følger Marey gjennom store og små hendingar som kan vere vanskelege for ein tenåring – alt frå forelskinga i den tyrkiske tiandeklassingen Ali2 til krangling i klasserommet.

Frå bok til film

Alle utlendingar har lukka gardiner skildrar godt korleis det er å vere ungdom i ein fargerik drabantby i Noreg i dag.

Filmen er basert på romanen ved same namn, utgitt i 2015. Forfattar Maria Navarro Skaranger, som var berre 20 år då ho skreiv boka, vekte stor oppsikt med boka, som blei skriven på såkalla “kebabnorsk”.

Romanen blei nominert til Tarjei Vesaas' debutantpris.