Marknadsfør sjokolade til ulike målgrupper
Førebuing
Læraren klipper opp lappar med tala 1, 2 og 3. Trekk ein lapp. Talet på lappen bestemmer kva for ei av målgruppene de får.
FASE 1: Sett dykk inn i målgruppa
Finn ut følgjande:
- Kva assosierer de med målgruppa?
- Kva er dei opptekne av?
- Korleis er økonomien til denne målgruppa?
- Kva fargar og stil passar til målgruppa?
- Kva slags stader kan du ”nå” målgruppa med reklamen?
- Kva slags reklametype passar til denne gruppa?
- Korleis bør sjølve sjokoladen og emballasjen sjå ut? Lag skisser til utforming av denne sjokoladen.
FASE 2: Lag eit reklameprodukt
- Vel eit av desse reklameprodukta, og start utforming.
- Lag ein plakat.
- Lag eit SOME-reklamebilete.
- Lag ein lydreklame (10–15 sekund).
FASE 3: Sluttstilling og presentasjon
Sjå på produktet de har laga og sjå på informasjonen om målgruppa deira ein gong til. Gjer eventuelle endringar.
Presentasjon
- Start med å beskrive og forklare målgruppa dykkar.
- Vis fram reklameproduktet.
- Fortel kva de har gjort for å treffe akkurat dykkar målgruppe.
- Beskriv verkemidla i reklameproduktet og trekk inn relevante omgrep de har lært om innan marknadsføring.
Målgruppesett 1
Oppgåve: Presenter ein ny sjokolade med namnet Choco.
Oppdragsgivar: Nidar
Målgruppe/oppdrag: Lag ein reklame til unge gutar på 15–18 år som ønskjer ein god sjokolade til ein grei penge.
Målgruppesett 2
Oppgåve: Presenter ein ny sjokolade med namnet Choco.
Oppdragsgivar: Freia
Målgruppe/oppdrag: Lag ein reklame til eldre personar som ønskjer ein god, gammaldags sjokolade som er lett å ete og ikkje er for hard. Målgruppa består av begge kjønn i alderen 70–85 år.
Målgruppesett 3
Oppgåve: Du skal presentere ein ny sjokolade med namnet Choco.
Oppdragsgivar: Berit Nordstrand
Målgruppe/oppdrag: Lag ein reklame til målgruppa kvinner 30–45 år som ønskjer sunne og gode alternativ. Dei har god økonomi og er kvalitetsbevisste.