Oppgåve

Vurder layout

Skriftblanding, gruppering av element og luft er blant verkemidla som blir brukte i layout. Undersøk døme og svar på oppgåvene.

1. Diskuter skriftblanding på avisframside

Kvar på framsida startar vi å lese?
Kva skriftblanding er brukt?
Korleis passar overskrifter og bilete saman? Formidlar dei det same?

Framsida på sportsdelen i ei trykt avis. Tittelen på hovudsaka er "Friskmeldt". Han er plassert over eit bilete av ein person som speler fotball. Øvst er det ei sak med tittelen "Brugge ønsker seg Rekdal" og eit tilhøyrande portrettbilete av ein mann. Foto.

2. Studer gruppering av element i plakaten

Plakaten er ei oversikt over Mausund. Han er laga av Marlon Peter Hagen Ryan, elev ved Byåsen videregående skole.

Kva grupperingar består denne plakaten av?

Plakat Mausund

Beskriving av plakaten

Plakaten har ein lyseblå bakgrunn. Tittelen er Mausund. Han er utforma med kvit skrift og ein font som liknar handskrift. Bakgrunnsbiletet er eit kart over norskekysten. I ei lita ramme er det plassert eit kartutsnitt av Mausund. Ein strek går frå kartutsnittet til kartet over norskekysten for å vise kor Mausund ligg. Plakaten har tre små illustrasjonar som er plasserte på rad. Dei viser ulike stader i Mausund. Illustrasjonane er følgde av korte bilettekstar i ein grotesk font. Bokstavane er svarte og små.

3. Luft som verkemiddel på framsider

Korleis er luft brukt som verkemiddel på desse to framsidene? Kva verknad har lufta?

Framsida til to magasin. På det eine er nesten heile flata fylt av eit portrett av ei kvinne. Det andre viser ei froskeliknande dokke i halvnært utsnitt på ei flate med blå himmel og skyar. Foto. — Layout på framsidene til magasina Fjords og Hot Rod