Eksamensførebuing: Drøft mediepolitikk, nyheiter og offentlegheit
Formålet med denne oppgåva er å setje ulike delar av mediefaget i samanheng. Arbeidet med oppgåva kan også sjåast som ei førebuing til nasjonal skriftleg slutteksamen i Mediesamfunnet Vg3.
Drøft påstanden
Dagens mediepolitikk kan endrast fordi sosiale medium dekkjer offentlegheita sitt behov for nyheiter og debatt.
Studer påstanden nøye og plukk ut sentrale delar av påstanden.
Skaff oversikt
Få oversikt og brett ut fagkartet. Du kan lage tankekart, bruke læringsressursar og passe på å ha klart for deg definisjonar og faktakunnskapar frå sentrale kjelder. Skaff deg også ei oversikt over samanhengar mellom ulike delar i påstanden. Det gjer du gjennom å formulere ei rekkje spørsmål.
Bruk tankekart (-verktøy) eller skjematiske oversikter.
Vel ei avgrensing
Vel deg nokre av spørsmålsstillingane du har formulert, set dei i samanheng med døme og pass på at du heile tida har den opphavelege påstanden i fokus, slik at du ikkje sporar av.
- ta notat
- samarbeid med andre
- finn kjelder, sitat, formuler argument
- organiser materialet
- Arbeid i grupper på tre. Bli einige om korleis de fordeler formidling av ståstader og ekspertise dykk i mellom.
- Førebu eit manus. Test det ut og juster i fleire omgangar før de gjer eit endeleg opptak. 5–10 minutt skulle halde.
- Problemstillingar som blir drøfta, må komme tydeleg fram for lyttaren.
- Hugs å bruke kunnskapen din og argumenta dine!
- Oppgi og vis til sentrale kjelder du byggjer argumentasjonen på, sjølv om de samtalar munnleg.
Taletips til oppfølging og oppklaring
Du kan vise at du har høyrt og forstått det motparten har sagt ved å gi att eller oppsummere hovudpoenget deira før du kjem med utspelet ditt – og ved å stille oppfølgingsspørsmål får vi ofte ein meir nyansert diskusjon. Viss du ber samtalepartnaren din forklare eller utdjupe det som blei sagt, unngår de kranglar på grunn av misforståingar.
Finn og bruk ein podkast som modelltekst
- Kva for delar av mediefaget har de sett i samanheng i arbeidet? Og korleis gjorde de det?
- Prøv å forklare eitt eller to punkt om kva ny forståing de har fått om samanhengar i mediefaget.
- Kva har vore enkelt, kva har vore vanskeleg?
- Kva ville de gjort om att, og kva kjem de til å gjere annleis neste gong?
Lever arbeidet dykkar etter avtale med lærar.