Undersøk ytringar i sosiale medium

Politiets tryggingsteneste (PST) var i trusselvurderinga si i 2020 spesielt bekymra for auka sjikane, personleg uthenging og truande ytringar mot unge politikarar, kvinnelege politikarar og politikarar som er engasjerte i innvandrings -, miljø- og avgiftspolitikk.

Sjå dei første fem minutta av Dagsrevyen måndag 24. mai 2021.

• Kven er Lan Marie Berg, og kva for eit parti representerer ho?

• Kva kjenneteiknar den sjikanen og dei truslane ho som ung, kvinneleg politikar har blitt utsett for?

• Kvifor trur du unge, kvinnelege politikarar er spesielt utsette for netthets og truslar?

• KS (kommunesektorens organisasjon) gjennomførte i 2019 ei undersøking blant 1 700 norske lokalpolitikarar: 4 av 10 lokalpolitikere har opplevd hat og trusler.
  Gjer greie for kva undersøkinga viser om omfanget av sjikane og truslar mot lokalpolitikarar, og korleis hetsen påverka dei.

• Kva konsekvensar kan netthets og truslar i sosiale medium på sikt få for det norske demokratiet?

• Ta utgangspunkt i dei sosiale media du er medlem av. Gå på jakt etter meiningsytringar som du oppfattar som ubehagelege, usaklege eller støytande.
• Presenter meiningsytringane for ein medelev, og grunngi kvifor du oppfattar dei som ubehagelege, usaklege eller støytande.

• Les først fagteksten Sosiale medium og ytringsfridom.

Jobb saman i grupper.

• Set dykk deretter inn i korleis de gjennomfører ei spørjeundersøking. Det ligg mykje stoff om dette i Verktøykassa på NDLA.
• Formuler ei problemstilling som handlar om temaet sosiale medium, debattkultur og ytringsfridom.
• Lag ei spørjeundersøking der de spør jamaldringar om forholdet deira til ytringsfridom i sosiale medium. Legg arbeid i utforminga: Spørsmåla må ikkje vere leiande, dei må vere lette å forstå, og dei må gi relevant informasjon som belyser den problemstillinga de har valt å undersøkje.
• Tips: Bruk gjerne digitale verktøy for å gjennomføre spørjeundersøkinga. Google Skjemaer er eit aktuelt alternativ.
• Arbeid med data frå undersøkinga, og presenter ho for klassen og andre aktuelle mottakarar.

• Ta utgangspunkt i funna de gjorde i undersøkinga.
• Diskuter i klassen og bli einige om tre viktige tiltak som de meiner vil betre debattkulturen og fremje ytringsfridom i sosiale medium.