Marknadsfør ein musikkfestival
Arbeid i grupper på 3–4 elevar.
Definer målgruppa.
Vel kanalar, sjangrar og format for reklameuttrykka de vil lage.
Lag ein kampanjeplan.
Søk etter bilete og video, og bruk Pinterest til å finne døme på marknadskommunikasjon av ulike musikkfestivalar og festivalar, både nasjonalt og internasjonalt.
Les òg om korleis profesjonelle reklamebyrå har løyst kampanjar.
Relatert innhald
Ei rettleiing i korleis du lagar ein kampanjeplan for å lansere eit produkt.
Vel nokre teknikkar for idéutvikling, og bli samde om kva som er unikt for festivalen, og om kva historie de skal fortelje.
Relatert innhald
I JA-fasen bruker du kreative metodar som får fantasien til å springe løpsk.
Korleis kan dialog hjelpe oss i kreative prosessar? Vi følgjer studentar i eit samarbeid der dei skal designe ein kniv. Dei deler erfaringar og gode råd.
Fordel arbeidet med skisser og produksjon av reklameuttrykk mellom dykk. De kan velje å lage annonsar, festivalplakatar, video- og lydreklame.
Hugs å planleggje arbeidsmengda etter tida de har sett av til prosjektet.
Vurder kampanjeplanen undervegs. Juster han om det er naudsynt.
Har reklameuttrykka de lagar, eit felles utgangspunkt? Har dei same rammeforteljinga? Uttrykkjer dei den same bodskapen?
Treffer de målgruppa?
Vil mottakarane av reklameuttrykka bli kjende med musikkfestivalen? Vil dei ønskje å vere publikummarar, kjøpe billett og få eit positivt inntrykk av festivalen?
Kor gode er de til å samarbeide med kvarandre?