Skriftleg oppgåve: digitalt medborgarskap og digitale skilje

• forstår sentrale omgrep som handlar om digitalisering og digitalt medborgarskap

• kan leggje til rette for digitalt medborgarskap på ein reflektert måte i eigen kommune

• kan vurdere og drøfte korleis ein kan sikre reelt digitalt medborgarskap for innbyggjarar i Noreg i ei tenkt skriftleg eksamensoppgåve

Forklar kva desse omgrepa betyr. Ta òg med minst eitt døme i forklaringa di.

• digitalt medborgarskap

• digital kompetanse

• digitale skilje

• digitalt utanforskap

• informasjonskløfter

• kunstig intelligens

• smart teknologi

Kommunen din jobbar med ein handlingsplan for eldre. Du skal bidra ut frå det du veit om digitalt medborgarskap.

• Formuler ti punkt som beskriv smarte produkt og digitale tenester som kan gi heimeverande eldre ein betre kvardag.

• Formuler deretter ti tiltak som skal motverke digitalt utanforskap mellom eldre i kommunen din.

I den førebelse evalueringa av korleis norske styresmakter har handtert covid 19-pandemien, kjem det fram at det spesielt har vore vanskeleg å nå ut med relevant informasjon til enkelte innvandrargrupper i Noreg. Desse gruppene er dessutan sterkt overrepresenterte i dødsstatistikken. Sjå IMDis rapport Innvandrerbefolkningen under pandemien (PDF).

Skriv ein kronikk på cirka 1 000 ord om informasjonskløfter og digitale skilje i Noreg, og kva tiltak styresmaktene bør setje i verk for å imøtekome informasjonsbehovet til innvandrarbefolkninga med tanke på framtidige epidemiar og pandemiar.