Utforsk religion i dataspel og musikkvideoar

Før de går i gang med oppgåva, bør de sjå denne undervisningsfilmen om religion i populærkulturen.

Jobb gruppevis. De vel sjølve i gruppene om de vil utforske eit dataspel eller ein musikkvideo.

Gruppene skal

• anten utforske korleis religiøse førestillingar og symbol blir brukte i eit dataspel de kjenner godt,

• eller utforske korleis religiøse førestillingar og symbol blir brukte i ein musikkvideo av ein kjend artist eller eit populært band

Presenter for resten av klassen det de finn ut, ved hjelp av eit digitalt presentasjonsverktøy.

Ta med døme som synleggjer funna de har gjort.