Lag ei interaktiv forteljing - Utforsking av ei interaktiv historie: Pus med støvlar - Medie- og informasjonskunnskap 2 - NDLA

Hopp til innhald
Læringssti

Du er no inne i ein læringssti:
Lag ei interaktiv forteljing

Skrive av Stina Åshildsdatter Grolid og Albertine Aaberge.
Sist oppdatert 18.02.2022
Fagartikkel

Utforsking av ei interaktiv historie: Pus med støvlar

Den interaktive historia om Pus med støvlar har mange moglege hendingsforløp. Sjå strukturen steg for steg.
Pus med støvlar går ved eit hus i middelalder-stil. Bilete.
Pus med støvlar er ein populær karakter frå Shrek-filmane. Det er laga både film, serie og interaktiv film om Pus med støvlar. Bilete: NTB Scanpix, Album / CC BY-NC 4.0

No skal du få sjå på strukturen i Pus i den magiske boka: fanga i eit eventyr (2017). Han er regissert av Roy Burdine og Johnny Castuciano for Netflix. Starten har ruter-struktur der kvart val har to alternativ, og når du har valt alternativ 1a (Sloss mot ein gud) eller alternativ 1b (Kjemp mot eit tre) endar du uansett opp same stad: val 2. Sånn fortset det vidare til det fjerde valet.

Interaktiv struktur i starten av Pus med støvlar. Illustrasjon.
Her ser du starten på den interaktive forteljinga om Pus med støvlar. Sjølv om dei ulike vala har forskjellige alternativ, kjem sjåaren til same fortsetjing (val 2) uavhengig av om dei valde 1a eller 1b. Bilete: Stina Åshildsdatter Grolid / CC BY-SA 4.0

Frå symmetrisk ruter-struktur til ein friare struktur

Frå val 4 skjer det litt mer drastiske endringar. Følgjer du banen til 4a til venstre og vidare, fortset ruter-strukturen i hovedsak. Her kan du bestemme noko av handlinga undervegs, samstundes som historia følgjer ein hovudtråd.

Om du går for 4b (Vond dronning) er du plutseleg få steg unna slutten. Val 5c (Finn dronninga) og 5d (Pinlig kyss) gjer same historie vidare som langt nede i strukturen til venstre etter 4a (Kattepirat). Då går du heilt ned til 11a (Vond dronning). Valalternativa her er dei same som under 4b, men det er litt ulike ordval; 12a (Dronning) og 12b (Kysse dronning).

Strukturen blir drastisk endra ved val fire i fortellingja om Pus med støvlar. Illustrasjon.
Det skjer eit stort veival i forteljinga når du vel mellom 4a (Kattepirat) og 4b (Vond dronning). Bilete: Stina Åshildsdatter Grolid / CC BY-SA 4.0

Mot slutten er det to ulike løp. Uten å røpe for mykje, startar begge sluttane i same miljø, men det er to ulike utgangar. Dei lange, bogeforma strekane som går frå 5c (Finn dronninga) og 5d (Pinleg kyss) går heilt til 12a (Dronning) og 12b (Kyss dronning). For å få slutt 1 må du gå via 4b eller vidare ved 11a. Går du for 11b (Slutten), kjem du til slutt 2.

Struktur slutten av Pus med støvlar. To moglege sluttar. Illustrasjon.
For å kunne velje mellom begge sluttane må du gå for 4a (Kattepirat) under det store veivalet tidleg i fortelljinga. Dei lange strekane som går til 12 (Dronning) og 12b (Kyss dronning) kjem frå 5c og 5d lengre opp i forteljinga. Bilete: Stina Åshildsdatter Grolid / CC BY-SA 4.0

Oppgåve

Korleis vil du beskrive strukturen i "Pus i den magiske boka: fanga i eit eventyr"?

Skrive av Stina Åshildsdatter Grolid.
Sist fagleg oppdatert 06.01.2020

Struktur i interaktive forteljingarLag ei interaktiv historie