Analyser ei scene frå Idiotene
Ein venegjeng samlast i eit gamalt hus for å leike "idiotar". Dei utfordrar både samfunnet rundt seg og seg sjølve når dei opptrer som "gale" eller utviklingshemma og ikkje følgjer normene som gjeld for vanleg sosial åtferd.
I samband med eit kafébesøk møter dei Karen. Ho er rotlaus og melankolsk og lèt seg fascinere av den lausslepte gleda blant "idiotane". Derfor blir ho med i gruppa.
Gruppeleiaren bestemmer at alle medlemmene må vise solidariteten sin til gruppa gjennom ein konfrontasjon med dei menneska som står dei nærast. I scenen ovanfor vender Karen tilbake til familien sin. Ei av kvinnene frå kollektivet følgjer henne heim og blir vitne til det som skjer.
- Kva for karakterar møter vi i dette klippet, og korleis blir det framstilte?
- Beskriv det miljøet handlinga går føre seg i.
- Korleis er stemninga i rommet når Karen kjem inn?
- Kva for filmatiske verkemiddel bruker von Trier for å formidle denne stemninga?
- Korleis formidlar von Trier tankane og kjenslene til Karen?
- Omgrepet "idiot" blei tidlegare brukt om personar som var sinnssjuke eller mentalt tilbakeståande. Kvifor trur du von Trier har valt å bruke nett dette omgrepet som tittel på filmen?
- Kva for typiske trekk frå konseptet "dogmefilm" finn du i dette klippet?
Relatert innhald
Dogmefilmane er ei motvekt til kommersiell filmindustri og blir laga med enkelt utstyr. Handlinga går føre seg på éin stad og utan at vi flyttar oss i tid.