Lag ein dokumentar om norsk radiohistorie
Start med å setje deg grundig inn i norsk radio- og fjernsynshistorie. Du finn fagartiklar om dette emnet under Mediehistoriske tidslinjer.
Lag ein radiodokumentar på maksimum fem minutt om radioen sin gullalder. Dokumentaren skal bestå av (eit) intervju med éin eller fleire eldre personar som fortel om kva program dei lytta til, og kva radioen betydde for dei, på 1950-talet.
Dette kan vere eit fint høve til å bli kjend med eldre som bur i omsorgsbustader i kommunen din. Dei blir garanterte glade for å få besøk!
Tenk nøye igjennom kva personar du vil intervjue. Intervjuobjekta bør vere flinke til å fortelje. Gjer opptak med lydopptakar eller mobil.
Les inn introduksjon, blokker og avslutning. Her kan du gjerne reflektere over kva betydning radioen hadde på 1950-talet, samanlikna med i dag.
Rediger og set saman kommentarar, musikklipp og intervju ved hjelp av eit lydredigeringsprogram.
Tips
- Start intervjua med å spele av klipp frå populære 1950-talsprogram, og be intervjuobjekta fortelje om eigne opplevingar knytte til det dei høyrer.
- Søk på nettet og sjå om du kan finne 1950-talsmusikk eller andre lydeffektar med Creative Commons-lisens som du òg kan bruke.
- Dersom du ikkje har tilgang til eit lydredigeringsprogram, kan du laste ned gratis programvare frå internett.
Hjallis blir olympisk meister
Tekstversjon
(Opphissa reporter med jublande menneske i bakgrunnen:)
Og no pressar Hjallis i siste sving og ligg no 70 meter føre den vesle japanaren, som òg har ein runde igjen. Og no slenger han med armane og går inn mot mål i eit forrykande tempo og har krefter og stil og alt i behald.
Der! Eg har 16.45,8! Bevare meg vel!
God aften, mitt navn er Cox
Tekstversjon
(Mannsstemme:)
God aften, mitt navn er Cox.
Rolf Kirkvaag i Store studio
Tekstversjon
Rolf Kirkvaag: God kveld!
Kvinne: God kveld!
Rolf Kirkvaag: Velkommen opp!
Kvinne: Takk.
Rolf Kirkvaag: Eg heldt på å seie "No kan De sleppa handa mi", men det er eg som held handa Dykkar.
(Latter)
Rolf Kirkvaag: Unnskyld meg. Det var .?
Kvinne: Ulla Sollund.
Rolf Kirkvaag: Frå?
Kvinne: Bærum.
Rolf Kirkvaag: Frå Bærum, ja. Og De er her no for å tene 80 kroner, ser eg på Dykk.
Kvinne: Kanskje.
Rolf Kirkvaag: Kanskje, jaha. Er De yrkeskvinne eller arbeider De i heimen? Er De gift?
Kvinne: Begge delar.
Rolf Kirkvaag: Begge delar. Er De det?
(Kvinna fniser.)
Flaum i Nederland
Tekstversjon
Hallesby taler om helvete
Tekstversjon
Tidssignal
Relatert innhald
1950-talet blei gullalderen i radioen, med fleire nyheitssendingar og -reportasjar og nye program. I 1954 blir dei første prøvebileta sende på fjernsyn.
Siri Knudsen lagar radiodokumentar for P3 om rockebandet Oslo Ess. Det er ikkje noko for pyser.