Smergling

Etter filing må vi ofte gå over og pusse arbeidet med smergel. Dette gjeld særleg på glatte flater der det er lett å lage spor med kanten på fila. Smergelpapiret sliper metallet uavhengig av kva retning du bruker papiret i, elles er teknikken ganske lik filing.

Smergelpapir

Smergelpapir er papir eller tekstil som er pålimt smergelsand i ulike finleikar. Ikkje alle leverandørane bruker same system, men dei fleste viser grovskapen med eit nummer. Dette har med storleiken på korna til papiret å gjere, og kor mange korn det er på ein kvadratcentimeter. Står det 1000, er det 1000 korn per kvadratcentimeter. Grovskap 100 er eit grovt smergelpapir, mens grovskap 1200 er eit fint smergelpapir. Andre leverandørar kan til dømes bruke 4-2-1-0-2/0-3/0 til 6/0. Då er 4 grovt og 6/0 fint.

Smergelstikke

Smergelstikke er ein pinne med smergelpapir limt på. Dei kjem i fleire fasongar og med ulik grovskapar. Du kan kjøpe smergelstikker eller lage dei sjølv.