Handsirkelsag

Sirkelsag er ei maskinsag der sagbladet er ei tynn, rund stålskive med tenner. Saga blir brukt både til kapping og kløyving. Sjå filmen under (lengde 2:17) og lær deg sikker bruk av ei handsirkelsag.

Sikker bruk av handsirkelsag. Video: Jarle Sten Olsen / CC BY-SA 4.0

Bruk av handsirkelsag

Handsirkelsag finst i mange storleikar og med ulik kapasitet når det gjeld djupne på kutt. Du kan variere kuttdjupna etter tjukna på materialet. I tillegg kan du justere vinkelen på sagbladet.

Saga blir brukt både til kapping og kløyving. For å kløyve ei fast breidde kan du montere eit anlegg som er tilleggsutstyr til saga.

HMS

Det er viktig å passe på at vernedekselet glir lett på plass og dekkjer sagbladet når du ikkje sagar i materialet. Saga på biletet har eit avsug som er montert på for å unngå å spreie støv.

Det er stor fare for å kome i kontakt med bladet dersom du held handa på undersida av materialet du sagar i. Ved bruk av saga skal du ha på deg høyrslevern og vernebriller.