Sektordiagram

La oss tenkje oss at Mary Ann har gjennomført ei undersøking og funne at følgjande karakterar vart gitte på ei matematikkprøve:

4 2 5 3 3 2 5 4 1 3 2 2 5 3 1 4 2 5 3 2 4 3 6 2 5 3 2 5 5 4

Eit sektordiagram passar spesielt godt til å vise kor stor del ein verdi eller kategori i eit talmateriale utgjer i forhold til heilskapen.

Vi ser igjen på karakterfordelinga på matematikkprøva i klassen til Mary Ann.

I reknearket Excel merkar vi frekvenskolonnen og vel «Set inn» og ønskt sektordiagram. Ved å velje «Utforming» kan vi finne fram til ønskt oppsett og format for diagrammet.

Arealet av kvar sirkelsektor illustrerer delen elevar som har fått den aktuelle karakteren.

For å teikne eit sektordiagram på papir treng vi ein passar og ei gradskive. Før vi kan teikne, må vi gjere nokre utrekningar.

Vi kan dele ein sirkel inn i 360$°$.

Sidan det til saman er 30 elevar i klassen, må kvar elev tilsvare $\frac{360°}{30}=12°$ av sirkelen.

Vi kan då setje opp følgjande tabell:

No kan vi teikne ein sirkel ved hjelp av ein passar og bruke gradskiva til å merke av storleiken på sirkelsektorane.

Legg merke til at 1 % alltid svarar til $\frac{360°}{100}=3,6°$.