Samanhengen mellom andregradslikningar og andregradsfunksjonar

Vi ser grafen av funksjonen $f\left(x\right)=x^2-4x+3$.

Grafen skjer førsteaksen når $x=1$ og når $x=3$. Dette er nullpunkta til $f$.

I GeoGebra kan du finne nullpunkta grafisk med kommandoen "Nullpunkt[f]".

Ved rekning finn vi nullpunkta ved å løyse likninga
$f\left(x\right)=0$.

Det betyr at vi må løyse andregradslikninga

$x^2-4x+3=0$

Vi bruker abc-formelen og får

$\begin{array}{rcl}{x}^2-4x+3& = & 0\\ & & \\ x& =& \frac{-\left(-4\right)\pm \sqrt{{\left(-4\right)}^2-4·1·3}}{2·1}\\ & & \\ x& =& \frac{4\pm \sqrt{16-12}}{2}\\ & & \\ x& =& \frac{4\pm 2}{2}\\ & & \\ x& =& 3 \vee x=1\end{array}$

Det betyr at funksjonen $f$ har nullpunkta $x=1$ og $x=3$.

I GeoGebra kan vi finne nullpunkta ved rekning ved først å definere funksjonen i CAS-vinduet. Hugs då å skrive «kolon-lik».

Merk: Du treng ikkje definere funksjonen om du alt har han ståande i algebrafeltet.

Deretter bruker du kommandoen «Løys» på likninga $f\left(x\right)=0$ .