Elbil og energi

Du finn løysingar på nokre av oppgåvene nedst på sida.

Bruker ein elbil mindre energi enn ein bil med dieselmotor? Prøv å samanlikne energiforbruket per mil for ein elbil og ein bil med dieselmotor.

a) Om lag kor mange elbilar kan ei typisk vindmølle som produserer elektrisk energi, klare å drifte?

b) Gjer det same, men no med eit typisk vasskraftverk som energikjelde.

c) Kor mange nye vindmøller ville det krevje dersom alle fossile privatbilar brått blei bytte ut med elbilar? Kor mange nye vasskraftverk ville det krevje?

a) Kor mykje kostar det å lade opp ein elbil med eit batteri med kapasitet på 80 kWh dersom straumprisen er 0,90 kr/kWh?

b) Ein heimeladar for elbil kan levere ein elektrisk effekt på 7,4 kW. Kor lang tid tek det å lade opp elbilbatteriet i deloppgåve a) dersom batteriet er heilt tomt?

c) Dersom ein elbil skal ladast frå ein vanleg stikkontakt, er det ein del vilkår som må vere oppfylte. Kva for vilkår er det, og kor lang tid vil det ta å lade elbilbatteriet i samsvar med desse vilkåra?

d) Kor mykje vil det koste, og kor lang tid vil det ta, å lade opp elbilen i a) på ein hurtigladestasjon?

a) Ein elbil kan lade seg sjølv i nedoverbakke. Kvar kjem denne energien frå?

b) Kor mykje kan vi i teorien lade ein elbil på veg ned Trollstigen i Møre og Romsdal?

c) Kor stor høgdeskilnad treng vi i teorien dersom vi vil lade eit tomt elbilbatteri med kapasitet 80 kWh heilt fullt?