Oppvarming

Diskuter med ein medelev: Kva for tre mobilmerke er dei mest kjende merkene? Kva meiner de kjenneteiknar folk som eig desse mobiltelefonane?

Oppgåve

Kva eller kven påverkar kva for mobiltelefon du har? Diskuter med ein medelev og set opp minst tre punkt.
Samanlikn så med to andre medelevar. Har de nokon punkt som er felles? Er reklame eit av desse punkta?
Viss ja – utdjup korleis reklame har påverka dykk.
Viss nei – diskuter kvifor de ikkje hadde sett opp reklame som eit punkt som påverkar.
Kva trur de foreldra dykkar hadde svart om dei hadde blitt spurt om kva som påverkar dei når dei vel mobiltelefon?

Sjå nærmare på ein reklamefilm for mobiltelefonar.

Kva førsteinntrykk gir reklamefilmen av mobiltelefonen? Kva målgruppe tror du han er mynta på? Grunngi svaret ditt.
Kva er den viktigaste bodskapen i reklamefilmen, slik du oppfattar han?
Kva for verkemiddel bruker produsenten for å få fram bodskapen sin og byggje "imaget" sitt? Utforsk bileta, musikken og teksten som blir brukt, og miljøet og menneska som blir framstilte.
Korleis prøver avsendaren av filmen å overtyde deg? Byggjer han opp truverdet sitt (etos), appellerer han til kjenslene dine (patos), og/eller gir han saksinformasjon (logos)? Grunngi svaret ditt med døme frå filmen.
Kva er det i filmen som gjer at du eller andre kan få lyst til å kjøpe ny telefon? Diskuter med ein medelev og bli einige om kva de meiner er dei to viktigaste årsakene.

Kva har du/de funne om reklamen sin påverknad på mobilforbruket til folk?
Kva vil de seie er dei viktigaste årsakene til at vi kjøper så mange mobiltelefonar?