Kundeservice på e-post

Når du skriv ein e-post for jobben, bør du bruke eit forretningsmessig språk. Det vil seie korrekt skriftspråk, ikkje dialekt eller munnlege uttrykk, og du må unngå skrivefeil og emojiar. Set opp teksten ryddig med korrekt bruk av avsnitt og teiknsetjing. Sjå Språkrådets nettsider for meir informasjon om dette.

Det er avgrensa kva opplysningar du har lov til å sende i ein e-post. Dette inkluderer mellom anna namn. Personar som er omtalte, må ikkje kunne identifiserast. Dette kan gjelde verksemder som til dømes skular, politietaten, kommunar, sjukehus og NAV. Opplysningane må då anten krypterast, sendast i posten eller sendast via ei digital plattform som krev innlogging med til dømes BankID. I dag har både skattevesenet, helsevesenet, Vigo, Lånekassa og NAV slike sikre løysingar.