Segmentering og målgrupper i Varner
Frank Varner opna den første butikken sin i Thorvald Meyers gate på Grünerløkka i Oslo i 1962. Butikken heitte "Frank Varner" og vart ein stor suksess. Tre år seinare opna nok ein butikk i Oslo og éin i Trondheim.
I 1967 vart namnet Dressmann lansert i samband med ei ny butikkopning i Skippergata i Oslo. Sidan gjekk det i eitt – Dressmann-butikkar opna i rekordfart over heile landet.
Nye kjeder og konsept
På 1980-talet vart Cubus og Carlings ein del av Varner. I 1991 vart selskapet Bik Bok kjøpt opp.
I 2001 gjekk konsernet inn i ein ny marknad gjennom oppkjøpet av Urban – ein livsstilsbutikk med røter i skate- og snowboardmiljøet.
I 2002 vart Junkyard etablert, og kjedene WOW og Volt vart etablerte i 2006. Samtidig med etableringa av nye kjeder og butikkar blir Varner stadig meir internasjonale. Dei største marknadene utanom Noreg er Sverige og Finland.
Du kan lese meir om konsepta til Varner på Varners nettside.
- Forklar, med eigne ord, kva som blir meint med segmentering og målgruppeval.
- Forklar kva som blir meint med segmenteringskriterium. Vel tre av kjedene i Varner, og forklar korleis du meiner dei kan ha brukt dei ulike segmenteringskriteria. Bruk relevante fagomgrep.
- Forklar kva som blir meint med segmenteringsstrategiar, og bruk døme frå kjedene i Varner. Bruk relevante fagomgrep.
- Forklar kva som blir meint med målgrupper. Identifiser og beskriv kva du meiner er primærmålgruppa til tre av kjedene, så presist som mogleg.
Varner. (u.å.). Om oss. https://varner.com/no/about-us/