Oppgave
Turistkontoret
Det lokale turistkontoret har bede dykk om hjelp. Dei jobbar for å utvikle heimstaden dykkar til å bli eit meir attraktivt reisemål, men kva skal til, og kva vil folk ha?
Bilete: Mark Schiefelbein / CC BY-NC-SA 4.0
Turistkontoret jobbar for at heimstaden dykkar skal få fleire besøkjande. Men kva vil folk ha? Må turistkontoret prøve å skape nye attraksjonar, eller kan dei endre bruken av dei attraksjonane som allereie finst? No har dei bede klassa dykkar om hjelp til å undersøkje kva folk vil ha, og i første omgang kva dei ulike aldersgruppene i lokalbefolkninga ønskjer seg.
Førebuingar
- Gå saman to og to.
- Vel ut ei målgruppe for undersøkinga dykkar. (Det er viktig at arbeidspara vel ulike aldersgrupper, slik at de får dekt alle.)
- Lag ei undersøking tilpassa målgruppa dykkar. Hugs å utforme spørsmåla slik at de får svar på det de lurer på.
Gjennomføring
- Gjennomfør undersøkinga.
- Analyser svara dykkar og skriv ei oppsummering.
Sluttføring
- Presenter funna dykkar for klassa.
- Kva er ulikt i dei ulike målgruppene?
- Er det nokon nye trendar som kjem fram i dei ulike undersøkingane?
- Diskuter moglege tiltak turistkontoret bør jobbe vidare med.
- Lag ei liste over det viktigaste som kom fram i undersøkingane, og send gjerne lista til turistkontoret.
Relatert innhald
Fagstoff
Slik gjer du marknadsundersøkingarGode marknadsundersøkingar gir bedrifta di ei retning. Det er krevjande å lage gode undersøkingar, men følg desse fem trinna, så er du på god veg.