Service og kvalitet i praksisbedrifta - Marknadsføring og innovasjon (SR-SSR vg1) - NDLA

Arbeidsoppdrag

Service og kvalitet i praksisbedrifta

Servicemedarbeidaren er den viktigaste ressursen i bedrifta, sidan kundane må oppleve at dei får god service. Men hugs at alle kundar er ulike og har ulike forventningar. Kva kjenneteiknar god service i praksisbedrifta di?

Ein resepsjonist ønskjer velkomen i hotellresepsjonen. I bakgrunnen skimtar vi ein pikkolo med bagasjetralle. Foto. — Bilete: Pixtal, NTB scanpix / CC BY-NC-SA 4.0

Oppgåve 1: service

Kva er god service i praksisbedrifta di?
Korleis kan du yte best mogleg service til alle kundane/brukarane/gjestane dykkar?
Kva påverkar kvaliteten og servicenivået hos dykk?

Tips

Tenk på kva forventningar du sjølv har til service, og legg litt ekstra arbeid i å yte slik service til kundane dine.
Kunden forventar helst det vesle ekstra som hevar opplevinga endå eit hakk. Korleis kan du gjere dette?
Korleis er opningstidene og tilgjengelegheita?
Kor fort svarer de på førespurnader?
Korleis handterer de klager og misnøgde kundar?
Beskriv korleis de jobbar for at praksisbedrifta skal bli oppfatta som ei kvalitetsbedrift.

Ei hand peikar mot fem gule stjerner. Illustrasjon. — Bilete: NTB scanpix, Shutterstock / CC BY-NC-SA 4.0

Oppgåve 2: servicegrad

Dei aller fleste bedrifter gjennomfører jamleg undersøkingar av kundetilfredsheita og måler servicegrada. Beskriv korleis dette blir gjort i praksisbedrifta di, og forklar kvifor det er viktig.

Tips

Spør leiaren din om korleis dette blir gjort. Ofte blir store undersøkingar gjennomførte av eksterne byrå som er ekspertar på dette.