Oppgåve

Samisk identitet uttrykt i kunstverk

Lær om samisk samtidskunst, og vel ein kunstnar og eit verk de vil fordjupe dykk i. Presenter kunstnaren og verket for kvarandre, og drøft korleis samisk identitet kjem til uttrykk.

Kollasj der ein installasjon med frynser forma som sjal i sterke fargar heng ned frå ei stor, sirkelforma rist oppunder taket. Foto. — Installasjonen *Beavit –* *Rising Together* av Outi Pieski (2019) © Outi Pieski / BONO. Bilete: Outi Pieski, Annar Bjørgli / Avgrensa gjenbruk

Del 1: Forarbeid

Les artikkelen om samiske samtidskunstnarar, og sjå dei fire kortfilmane som ligg der.
Bruk ressursen frå Nasjonalt senter for kunst og kultur i opplæringen:
Samiske samtidskunstnere og gjer deg kjend med nokre av kunstnarane som er representerte der.

Reinsdyrskallar med kulehol er hengde saman som eit stort veggteppe. Foto. — Máret Ánne Sara, Pile o´Sápmi Supreme* 2017 © Máret Ánne Sara / BONO. Bilete: Máret Ánne Sara, Annar Bjørgli / Avgrensa gjenbruk

Del 2: Fordjuping

Samarbeid i grupper på to–tre elevar.

Vel ein samisk samtidskunstnar som de vil fordjupe dykk i, og plukk ut eitt kunstverk som de vil undersøke nærare.
Presenter kunstnaren og verket. Som hjelp kan de bruke malen:
- Analyse av visuelle kunstverk, hjelpeark(DOCX)
Drøft korleis samisk identitet kjem til uttrykk i verket.

Tre elevar sit ved eit rundt bord i eit skulebibliotek og diskuterer. Ein av dei har ein pc framfor seg. Dei to andre har notatblokk, og ein av dei skriv. Foto.

Del 3: Presentasjon

Sit saman med ei gruppe som har valt ein annan kunstnar enn dykk.

Presenter kunstnaren og verket de har valt, for kvarandre.
Samanlikn korleis samisk identitet kjem til uttrykk i dei ulike verka.

Relatert innhald

Kva er identitet?

Identiteten din er knytt til den sosiale fellesskapen du er ein del av. Oppfatninga du har av deg sjølv blir påverka av andre si oppfatning.