Praktisk feilsøking av kode

Når du skal feilsøkje kode, bør du stille deg sjølv nokre spørsmål:

• Kva ønskjer du at koden skal gjennomføre?
• Kva skjer når du køyrer koden?
• Kvar i prosessen skjer feilen som oppstår?

Dersom du skal feilsøkje i JavaScript-kode, vil det vere naturleg å bruke utviklarverktøya som du finn i menyen i nettlesaren din. Dei ulike nettlesarane har i tillegg eigne hurtigtastar for å opne utviklarverktøya:

• Chrome

  Ctrl+Shift+J (Windows) og Ctrl+tilvalg (⌥)+J

• Edge

  Trykk F12 på tastaturet.

• Firefox

  Ctrl+Shift+K (Windows) eller Ctrl+tilvalg (⌥)+K

• Safari

  Les om utviklarverktøya i Safari på Apple sine nettsider.

Når du programmerer med JavaScript, kan du bruke den innebygde funksjonen console.log(). Med denne funksjonen vil du til dømes kunne skrive ut meldingar i konsollvindauget. Konsollvindauget finn du i utviklarverktøya i nettlesaren din. Under kan du sjå eit eksempel på korleis console.log() kan brukast for å skrive ut verdien frå ein variabel:

1let tal = 5;
2
3console.log(tal);  // Denne koden vil skrive ut verdien til variabelen (5) i konsollvindauget.

I enkelte tilfelle vil det kunne vere formålstenleg å kommentere ut kode for å finne feilen. Ved å skrive // føre ei linje med kode vil denne koden ikkje bli køyrt. Har du ein større del av koden som sannsynlegvis er feil, kan du bruke /* føre og */ bak for å kommentere denne koden.