Rig skidding

Skidding kjem frå engelsk og betyr å bevege (eller gli) i ei retning. Ein skid består av stålbjelkar og ein skyvemekanisme, ofte ein type jekk. Dette systemet bruker vi til å skyve tunge laster på stålbjelkane.

Offshore bruker vi skid for å flytte boredekket, og det kan flyttast i fire retningar. Boredekket er bygd på ei stålramme slik at alt nødvendig utstyr blir flytta samtidig.

Vi kan flytte boredekket langs to aksar for å plassere det over ulike brønnhol. Når vi flyttar det først langs den eine og så langs den andre aksen, seier vi at vi flyttar det diagonalt.