Kulturuttrykk og avkolonisering på Grønland
Les artikkelen om kulturuttrykk under før du ser filmen. Her finn du omgrep og perspektiv du kan bruke til å utforske kva filmen seier om kulturuttrykk og kulturell identitet på Grønland i dag.
Relatert innhald
Korleis kan vi samanlikne og forstå den kulturelle betydinga som kjem til uttrykk i kulturelle fenomen?
NRK: Kampen om Grønland
I dokumentaren Kampen om Grønland møter du blant anna Panninguaq og Josef, to unge menneske som prøver å skape ein grønlandsk kulturell identitet som koplar tradisjon og framtid. Etter å ha vore ein koloni under Danmark, har mange delar av grønlandsk kultur blitt undertrykt. Innbyggjarane i landet er råka av rus og ein skyhøg sjølvmordsrate. Er sjølvstende vegen framover for Grønland?
- Kva fortel Panninguaq om tatoveringane sine og kva dei betyr for ho?
- Kvifor vil ho ikkje syngje på engelsk i skulemusikalen ho er med på?
- Kva fortel Josef om tatoveringane sine og kva dei betyr for han?
- Kvifor trur du han har valt akkurat hiphopsjangeren som kulturuttrykk?
- Kvifor vil han at barnet hans skal lære engelsk?
- Kva lærer du om historia til Grønland i denne dokumentaren?
- Kva argument for å bli sjølvstendig møter du i filmen?
- Kva argument for å halde fram med å vere ein del av Danmark møter du?
- «Systemet er ikkje tilpassa kulturen», seier ein av grønlendarane i dokumentaren og knyter dette til sjølvmord og psykisk helse på Grønland. Diskuter: Korleis kan det gjere deg sjuk å leve i eit system som ikkje lar deg leve ut kulturen din?
I byrjinga av filmen deltek Josef og Panninguaq på ei prisutdeling på eit hotell som har fått namn etter nordmannen Hans Egede. Les denne NRK-saka om statuen av Egede, og svar på spørsmåla under:
NRK: Statue av nordmann har skapt sinne – nå får den stå
- Kven var Hans Egede?
- Kva betyr «avkoloniser», og kvifor har nokon spraya det («decolonize» på engelsk) på statuen?
- Diskuter: Korleis kan kulturuttrykk som statuar, musikk og tatoveringar bidra til avkolonisering på Grønland?