Øvelse
Finn opp ein diskusjons-app!
Mange av plattformene for diskusjon på nett er designa på ein måte som gjer at hets, einvegs-kommunikasjon og sterke motsetnader er blitt ein del av nettdebatten. Kan du finne på ein app som gir ein betre samfunnsdebatt?
Bilete: Liselotte Sabroe / CC BY-NC 4.0
Del 1
Kom opp med ein idé til ein ny app eller ei digital plattform som fremjar samarbeid, lytting og nyansar.
- Bruk først fem minutt individuelt til å skrive ned tankar og idear.
Gå så saman i grupper på tre og del ideane.
Tips! Dei beste løysingane kjem når alle innspel blir møtte opent og nysgjerrig. Sjå etter moglegheiter, ikkje hindringar, i denne fasen. Dette kan de gjere ved å gi tilbakemeldingar til kvarande sine idear som byrjar med: "Ja, og i tillegg..." – ikkje "Nei, men...". Prøv det ut!
Jobb vidare med å utvikle ein felles app-idé.
Del 2
Presenter app-ideen dykkar for klassen: Forklar korleis de trur han vil påverke samfunnsdebatten.
Del 3
Diskuter og vurder forslaga:
- Kva for idear trur de vil fungere best?
- Kven trur de kjem til å bruke appen til å diskutere?
- Vil det vere rom for å ha forskjellige meiningar?
- Har de utforma appen slik at det blir vanskelegare å komme med personangrep og hets?