Utforsk: Tysklandsproblemet - Historie (vg3) - NDLA

Hopp til innhald
Oppgave

Utforsk: Tysklandsproblemet

Tyskland har vore i sentrum av Europas historie dei siste 200 åra. Plasseringa og maktpotensialet i landet har skapt både moglegheiter og utfordringar. I denne oppgåva skal du utforske korleis andre stormakter i Europa har forhalde seg til Tyskland etter ulike konfliktar.
Soldatar spring gjennom ei gate mellom brennande hus. Foto.
Tyskland har vore i sentrum for to verdskrigar, og mykje av stormaktspolitikken på 1900-talet har handla om korleis ein skal handtere denne stormakta. På biletet ser du tyske soldatar på austfronten i 1941. Bilete: NTB scanpix / CC BY-NC-SA 4.0

Oppgåve 1. Tysklandsproblemet

Les først artikkelen om tysklandsproblemet. Deretter løyser du oppgåvene nedanfor.

  1. Kva meiner ein med det såkalla tysklandsproblemet?

  2. Korleis vart tysklandsproblemet handtert etter samlinga av Tyskland i 1871, etter første verdskrigen og etter andre verdskrigen?

  3. Kva kan vi lære av fredsoppgjera etter første og andre verdskrigen? Kva har vorte gjort rett, og kva burde vorte gjort annleis?

  4. Korleis er Tysklands rolle i Europa og verda i dag?

Oppgåve 2. Fred og forsoning

  1. Undersøk ein konflikt i verda etter 1945. Korleis har dei involverte partane prøvd å skape fred og forsoning?

  2. Korleis burde ein tapande part etter ein krig bli behandla?

  3. Finst det døme på vellykka fredsoppgjer?

Relatert innhald

Fagstoff
Tysklandsproblemet

Kva blir meint med tysklandsproblemet, og korleis har dei andre europeiske stormaktene prøvd å løyse problemet?

Fagstoff
Fredsoppgjeret i Versailles i 1919

Etter våpenkvila 11.11.1918 vart det halde fredskonferanse i Versailles utanfor Paris. Kva vart resultatet av freden i Versailles?

Skrive av Tor Ivar Utvik.
Sist fagleg oppdatert 02.06.2022