Oppsummeringsoppgåver om immunforsvaret

1. Teikn og forklar desse omgrepa: antigen, antigenreseptor og antistoff.

2. Kva er forskjellen på ein betennelse og ein infeksjon?

3. Du må kunne halde greie på mange celletypar. Lag ei enkel oversikt som viser samanhengane mellom desse celletypane: fagocytt, lymfocytt, kvit blodcelle, B-celle, T-celle, minnecelle, plasmacelle, hjelpecelle, immuncelle og mastcelle.

1. Første gong kroppen blir infisert av ein mikroorganisme, kan det ta opptil to veker før immunforsvaret har fjerna mikroorganismen frå kroppen. Kva er grunnen til at det tek så lang tid den første gongen?

2. Kva er grunnen til at det går raskare å fjerne mikroorganismen den andre gongen?

Kva betydning har følgande strukturar og celler for forsvaret til kroppen mot mikroorganismar:

• lymfe og lymfeknutar

• hud og slimhinner

• fagocyttar

• NK-celler

1. Kva betydning har det at antigenreseptoren til ei B-celle og antistoffet som B-cella produserer, bind seg til det same antigenet?

2. Beskriv prosessen som fører fram til at kroppen produserer antistoff mot ein bakterie.

Skriv ein forklarande tekst til figuren. Bruk relevante fagomgrep.

1. Beskriv kva ein allergisk reaksjon er, og korleis han oppstår.

2. Pek på to likskapar og to forskjellar mellom immunforsvaret til plantar og dyr.

3. Beskriv tre forskjellar mellom ein uspesifikk og ein spesifikk immunrespons.

4. Kvifor representerer bakteriar og virus ulike utfordringar for immunforsvaret?

5. På kva måte utgjer fagocyttar eit bindeledd mellom det uspesifikke og det spesifikke forsvaret?

6. På huda finst det eit samfunn av ulike mikroorganismar, dette blir kalla normalfloraen. Gi to døme på korleis normalfloraen kan bidra til å verne oss mot sjukdomsframkallande bakteriar.

7. Kvar dag blir kroppen din utsett for mange potensielt sjukdomsframkallande organismar. Likevel er det berre ein sjeldan gong innimellom at du blir sjuk. Forklar kvifor.