Hygiene og helse

Ordet hygiene kjem frå gresk hygieia, som betyr "sunnhet" (Store norske leksikon, 2020). Samfunnshygiene dreier seg om dei tiltaka offentlege styresmakter har ansvaret for, og som er førebyggande helsetiltak for heile befolkninga.

Vi kjem dagleg i kontakt med mikroorganismar som kan gjere oss sjuke. For å hindre sjukdom må vi både hindre mikroorganismane i å spreie seg og bygge opp og halde ved like eit godt immunforsvar.

Som fagarbeidar vil du kome i nær kontakt med menneske i ulike situasjonar og livsfasar. Nokre av desse er allereie sjuke, eller dei er i ein situasjon der dei er spesielt utsette for smitte. Dei vil trenge di hjelp for å ta hand om den personlege hygienen sin.

Kunnskapen du har om hygiene, og haldningane du har til hygiene, kan derfor bety mykje for helsa og velværet til brukarane. Det vil samtidig gi eit tryggare opphald for brukarar, pasientane og betre arbeidsmiljø for dei tilsette.

• kunnskap om mikroorganismar, immunforsvaret og smittekjeda
• kunnskap om korleis smitte blir overført, om kva situasjonar vi er mest utsette for smitte i, og om konkrete tiltak du og andre kan setje inn for å avgrense moglegheitene for at smitte blir overført
• forståing for kor viktig god hygiene er
• ferdigheit i å inkludere hygienetiltak i det daglege arbeidet ditt