Munn- og tannpleie

Munnhòlesjukdommar og tannròte kan føre til nedsett tyggjefunksjon og vidare til nedsett matlyst og fordøying. Ver merksam på at nokre menneske synest det er vanskeleg eller ubehageleg at andre skal utføre oppgåver som tannpuss inne i munnen deira. Hugs på at munnen er ei intim sone, og at nokon kan ha smerter i munnen slik at munn- og tannpleie derfor kan vere ubehageleg eller smertefullt.

• elektrisk tannbørste og/eller ein liten tannbørste med mjuk bust

• tannkrem med fluor

• glas med vatn

• pussbekken

• cellestoff

• tannpirkarar, tanntråd eller liknande

• kopp til protesar eller delprotesar

• handkle

• eingongshanskar

• Sørg for at brukaren har ei god sitjestilling anten i senga eller ved vasken. Viss personen ikkje kan sitje, bør vedkomande liggje godt over på sida.

• Legg handkleet over brystet på brukaren.

• Utfør god handhygiene og ta på hanskane.

• Viss brukaren har protesar, tek du ut desse.

• La brukaren skylje munnen i lunka vatn først.

• Puss tennene mens du held kinnet til brukaren til sida med den eine handa.

• Arbeid systematisk når du pussar, slik at du ikkje gløymer nokre tenner.

• Puss både inner- og yttersida av tennene.

• La brukaren skylje munnen undervegs ved behov.

• Skyl munnen til slutt.

• Bruk tannpirkarar eller tanntråd ved behov eller viss det er ønskjeleg.

• Stell del- eller heilproteser til slutt, og set dei inn i munnen. (Sjå eigen prosedyre.)

• La brukaren tørke seg godt rundt munnen og smør noko på leppene ved behov eller viss det er ønskjeleg.

• Utfør god handhygiene.

• Observer både munnhòle og tenner undervegs.

• Vask og rydd bort utstyret.

• Dokumenter og rapporter.