Case: på jobb i ungdomsklubb
Du jobbar i ein ungdomsklubb for ungdom i alderen 10 til 15 år. Dette er ein klubb for ungdom med ulike typar funksjonshemming, og fleire av dei som deltek på klubben, har ulike grader av psykisk utviklingshemming. Dette betyr at det er ganske stor variasjon blant ungdommane, både når det gjeld interesser og funksjonsnivå.
Ungdomsklubben tilbyr aktivitetar som musikk – dei har instrument som kan lånast, ulike typar spel – både brettspel og spel som bordtennis og biljard. Det er òg ein gymsal og kjøkken i tilknyting til klubben, desse kan brukast ved behov. Du har fått i oppgåve å lage ein aktivitetsplan for klubben.
Korleis vil du gå fram for å finne ut/kartlegge kva for aktivitetar som kan vere aktuelle?
Kva skal vere målet for aktivitetsplanen?
Korleis kan de legge til rette for aktivitetar som inkluderer alle, og som alle meistrar?