Mobilisering og flytting for pasientar med hjerneslag

Mobilisering frå seng til rullestol

Nokre pasientar kan trenge hjelp for å komme seg frå seng til stol etter eit hjerneslag. Vurder om det er behov for ein eller to pleiarar ut frå pasienten sine eigne ressursar, og hugs å la pasienten bruke sine eigne ressursar i flyttinga. Denne videoen (4:25) viser flytting frå seng til rullestol med to pleiarar.

Framgangsmåte

• Utfør handhygiene.

• Stå på kvar dykkar side av senga.

• Heis senga til hoftehøgde.

• Ta bort dyne. Viss pasienten har puter under bein og armar, tek de bort desse.

• For å snu pasienten på sida tek ein av dykk den eine handa bak skuldra til pasienten og den andre handa under armen for støtte.

• Pass på å ikkje dra i den sjuke armen, men å berre støtte denne.

• Ta så tak under den sjuke foten, mens de ber pasienten om å bruke den friske foten ved snuing.

• Drei pasienten ut av senga på den sjuke sida.

• Pleiar 2 støttar ryggen til pasienten ved snuing.

• Trygg pasienten som no sit på sengekanten.

• Senk senga til føtene til pasienten står godt i golvet.

• Set rullestolen inntil senga på sjuk side.

• Hjelp pasienten på med passande skotøy.

• Pleiar 1 støttar ryggen til pasienten.

• Pleiar 2 flyttar seg til den andre sida.

• Støtt opp under armane.

• Set føtene framfor føtene til pasienten.

• Be pasienten bruke frisk fot når hen skal reise seg.

• Be pasienten strekke ryggen sin.

• Hald i bukselinningen til pasienten.

• Be pasienten snu seg mot rullestol, mens de støttar overkroppen.

• Støtt under armane mens pasienten set seg.

• Hjelp pasienten med føtene i fotstøttene.

Flytting frå rullestol til seng

Nokre pasientar kan trenge hjelp for å komme seg frå stol til seng etter eit hjerneslag. Vurder om det er behov for ein eller to pleiarar ut frå pasienten sine eigne ressursar. Denne videoen (3:08) viser flytting frå rullestol til seng med to pleiarar.

Framgangsmåte

• Utfør handhygiene.

• Set rullestolen inntil senga.

• Ta føtene ut av fotstøttene.

• Set føtene framfor føtene til pasienten.

• Støtt under armane til pasienten. Pass på å ikkje dra i sjuk arm.

• Be pasienten bruke eigne ressursar opp i ståande stilling.

• Støtt pasienten ved snuing.

• Hald i bukselinningen og støtt under armane når pasienten set seg.

• Fjern eventuelle hjelpemiddel.

• Pleiar 2 støttar ryggen.

• Pleiar 1 tek av skotøyet.

• Hev senga til hoftehøgde.

• Pleiar 1 tek tak under beinet og skuldra til pasienten.

• Drei pasienten over i senga.

• Hjelp pasienten i ei god liggestilling.

• Legg pute under sjuk arm og fot.

• Legg på dyne viss pasienten ønsker det.

• Senk senga.

Mobilisering med preikestol

Nokre pasientar kan trenge hjelp for å komme seg ut av senga etter eit hjerneslag. Vurder om det er behov for ein eller to pleiarar ut frå pasienten sine eigne ressursar. Denne videoen (4:22) viser flytting med preikestol frå seng til stol med to pleiarar.

Framgangsmåte

• Utfør handhygiene.

• Heis senga til hoftehøgde.

• Hev hjartebrettet på senga.

• Ta av dyne og eventuelle puter.

• Støtt pasienten i ryggen.

• Hald i den sjuke foten mens pasienten dreier seg ut på sengekanten.

• Den andre pleiaren støttar pasienten i ryggen.

• Trygg pasienten som no sit på sengekanten.

• Senk senga til føtene til pasienten er godt i golvet.

• Pleiaren som støttar ryggen, flytter seg til den andre sida av senga.

• Hjelp pasienten på med passande skotøy.

• Set preikestolen framfor pasienten.

• Set føtene framfor føtene til pasienten.

• Begge pleiarane støttar pasienten under armane.

• Hev senga samtidig som pasienten legg vekt på den friske foten.

• Hjelp pasienten med å få eit godt tak i preikestolen.

• Følg pasienten ved sida av eller bak preikestolen i flyttinga for å førebygge skadar eller fall.

• Dersom pasienten skal setje seg i ein stol, hjelper de pasienten med å snu seg og gå bakover til stolen treffer baksida av beina.

• Støtt pasienten under armane mens hen set seg ned i stolen.

• Fjern preikestolen.

Flytting frå stol til seng med preikestol

Nokre pasientar kan trenge hjelp for å flytte seg mellom seng og stol etter eit hjerneslag. Vurder om det er behov for ein eller to pleiarar ut frå pasienten sine eigne ressursar. Denne videoen (3:35) viser flytting med preikestol frå stol til seng med to pleiarar.

Framgangsmåte

• Utfør handhygiene.

• Set klar preikestolen.

• Set føtene framfor føtene til pasienten.

• Støtt pasienten under armane.

• Motiver pasienten til å bruke eigne ressursar og den friske foten opp i ståande stilling.

• Hjelp pasienten med å få eit godt tak i preikestolen.

• Følg pasienten ved sida av eller bak preikestolen i flyttinga til senga for å unngå skadar eller fall.

• La pasienten snu seg slik at ryggen er mot senga.

• Heis senga til passande sitjehøgde for pasienten.

• Ta bort preikestolen.

• Støtt pasienten under armane mens hen set seg på sengekanten.

• Hjelp pasienten av med skotøyet.

• Stå ein pleiar på kvar side av senga.

• Hev senga til ergonomisk arbeidshøgde / hoftehøgde.

• Pleiar som står på sjuk side, tek tak under beinet og skuldra til pasienten.

• Pleiar på frisk side støttar ryggen til pasienten.

• Drei pasienten over i senga.

• Hjelp pasienten i ei god liggestilling.

• Legg pute under sjuk arm og fot.

• Legg på dyne viss pasienten ønsker det.

• Senk senga.