Fagstoff

Introduksjon: Befolkning og levekår på bygda

Kva skal til for at eit lokalsamfunn kan vekse og utvikle seg på ein berekraftig måte? Kan naturressursar skape grunnlag for arbeidsplassar og busetjing over tid? I denne casen skal du utforske årsaker til demografiske endringar med utgangspunkt i områda rundt Repparfjorden.

Fjord med snødekte fjell og fiskebåt. Foto.

Læringsmål

Etter å ha jobba med heile casen skal du kunne

forstå ulike demografiske omgrep
forklare faktorar som påverkar befolkningsutvikling
vurdere årsaker til at folk flyttar
drøfte forhold som påverkar levekår i ulike delar av verda

Tidsbruk

Tre økter på 90 minutt kvar.

Tips til læraren

Oppgåvene er det sentrale i desse casane, for då får elevane jobbe med fagstoffet og kople det til ein konkret stad.

Casen er strukturert i ei logisk rekkefølge. Fagstoffet du treng for å løyse oppgåvene, ligg framfor oppgåvene i strukturen.

Éin måte å jobbe med denne casen på er at du som lærar går gjennom fagstoffet før elevane jobbar med oppgåvene. Då kan du plukke ut det viktigaste slik at de kan spare litt tid og få meir tid til oppgåvene.

Byt ut nærmiljøet med Repparfjorden

Vi tilrår at de bruker Repparfjorden som utgangspunkt i oppgåvene, òg der det står "bruk nærmiljøet". På den måten kan fagstoffet knytast til ein konkret stad, og de kan aktivt bruke filmen og ressursane som ligg i oppgåva "Bli kjend med Repparfjorden".

Ein av fleire casar

Dette er ein av tre casar med utgangspunkt i Repparfjorden og ein av åtte casar med utgangspunkt i ein konkret stad. Det er mogleg å undervise heile geografifaget med utgangspunkt i desse åtte casane.