Oppgave
Ny forretningsplan for lokalavisa
Dei aller fleste stader i Noreg har ei lokalavis. Ho har ganske sikkert endra form dei seinare åra, og papirutgåva har antakeleg fått følgje av ei nettavis. Har lokalavisa der de bur, eit forbetringspotensial? Kan de hjelpe til med å lage ein ny og berekraftig forretningsmodell for avisa?
Norske aviser. Bilete: Carl Martin Nordby / CC BY-NC-SA 4.0
- plakat
- post-it-lappar
- tusjar
- Jobb i par.
- Teikn Business Model Canvas på plakaten. Legg eigne føresetnader til grunn, og tenk ut ein berekraftig forretningsmodell for lokalavisa der de bur. Skriv på post-it-lappane kva byggjeklossane i forretningsmodellen skal bestå av, og fest dei på plakaten.
Prøv til dømes å svare på desse spørsmåla:
- Kven er kundane, og kven kan vere nye kundar?
- Kven kan avisa samarbeide med?
- Korleis kan dei tene pengar?
- Kva kostnader kan dei få?
- Korleis kan avisa få ei berekraftig utvikling og ein berekraftig vekst i heile verdikjeda?
- Diskuter forslaga dykkar, og bli samde om ein forretningsmodell som er ny og berekraftig.
- Kanskje vil de sende den nye modellen til avisa?
Business Model Canvas. Bilete: Innovasjon Norge / CC BY-SA 4.0
Relatert innhald
Fagstoff
Frå idé til bedrift med utviklingsverktøyet CanvasBusiness Model Canvas er eit utviklingsverktøy for gründerar. Det gir oversikt over alle prosessar og ressursar bedrifta må handtere for å tene pengar.
Fagstoff
Eit praktisk døme: Canvas-modell for IKEABusiness Model Canvas er eit utviklingsverktøy som eignar seg godt til å visualisere forretningsmodellen. Vi ser på korleis Canvas kan brukast i praksis.