Fagartikkel

Dekningsgrad, dekningsbidrag, avanse og bruttoforteneste

I økonomi blir omgrepa dekningsgrad, dekningsbidrag, avanse og bruttoforteneste brukte litt om kvarandre. Korleis forstår du omgrepa?

Fotografi av raud blyant som markerer ein sum på eit rekneark. — Bilete: Fancy Veer, Corbis, NTB / CC BY-NC-SA 4.0

Dekningsbidrag

Bidragsmetoden er ein prissetjingsmetode som blir brukt når marknadsprisen er gitt. Det kan vere tilfellet når kundane har ei klar oppfatning om kor mykje dei er villige til å betale for produktet, eller når vi må ta omsyn til konkurrentane sin pris for å få selt.

Når marknadsprisen er gitt, må vi vurdere om det er lønsamt for bedrifta å tilby produktet til denne prisen. Til dette kan vi nytte bidragsmetoden. Med den bereknar vi kor stort dekningsbidrag marknadsprisen gir oss. Dekningsbidraget er produktet sitt bidrag til å dekkje faste kostnader og forteneste.

Dekningsbidraget (DB) er salspris utan meirverdiavgift minus variable kostnader.

$d e k n i n g s b i d r a g p e r e i n i n g = s a l s p r i s u t a n m v a . - v a r e k o s t n a d$

Dekningsgrad

Dekningsgrad er eit forholdstal som blir brukt til å samanlikne kor lønsame ulike produkt er. Dekningsgrada er dekningsbidraget per eining i prosent av salspris utan meirverdiavgift.

$d e k n i n g s g r a d = \frac{d e k n i n g s b i d r a g p e r e i n i n g}{s a l s p r i s p e r e i n i n g u t a n m v a .} \times 100$

Dekningsgrada fortel oss kor mange prosent av salsinntektene, utan meirverdiavgift, som blir igjen til å dekkje faste kostnader og ei eventuell forteneste.

Avanse

Omgrepa avanse og dekningsbidrag er lett å blande. Dekningsbidrag og avanse i kroner blir berekna på same måte, og er derfor likt i kroner. Men omgrepet avanse blir brukt annleis, og i prosent er dei ulike.

Avanse bruker vi ved sjølvkostmetoden. Det er prissetjingsmetoden som tek utgangspunkt i kostnadene for bedrifta.

$v a r e k o s t n a d + a v a n s e i k r o n e r = s a l s p r i s u t a n m v a .$

På same måte som dekningsbidrag skal avansen dekkje faste kostnader og forteneste. Bedrifta bereknar ut frå dei faste kostnadene sine kor stor avanse dei må leggje til for å kome fram til rett salspris.

Det er vanleg å bruke ein avanseprosent i staden for eit kronebeløp.

$v a r e k o s t n a d + (v a r e k o s t n a d \times a v a n s e p r o s e n t) = s a l s p r i s u t a n m v a .$

Avansen blir berekna i prosent av varekostnaden.

$a v a n s e i prosent = \frac{a v a n s e i k r o n e r}{v a r e k o s t n a d} \times 100$

Avanseprosenten vil alltid vere høgare enn dekningsgrada fordi avanse blir rekna i prosent av varekostnad, mens dekningsgrad blir rekna i prosent av salspris.

Bruttoforteneste

Vi sa at dekningsbidrag og avanse er lik i kroner, og det kan vere forvirrande at det same beløpet også kan kallast bruttoforteneste.

I det interne budsjett- og rekneskapsarbeidet bruker vi omgrepet bruttoforteneste.

Bruttofortjeneste
Kalkulasjon	Kr	%
salsinntekter
– varekostnader
= bruttoforteneste

Bruttoforteneste blir også brukt som eit forholdstal, altså eit prosenttal. Bruttofortenesta blir berekna i prosent av salsinntekter utan meirverdiavgift.

Bruttoforteneste i prosent blir rekna på same måte som dekningsgrad. Utrekninga blir då slik:

$b r u t t o f o r t e n e s t e i p r o s e n t = \frac{b r u t t o f o r t e n e s t e i k r o n e r}{s a l s p r i s u t a n m v a .} \times 100$

Dekningsbidrag

Dekningsgrad

Avanse

Bruttoforteneste

Reglar for bruk av teksten "Dekningsgrad, dekningsbidrag, avanse og bruttoforteneste"