Handtering av elektronisk avfall

Produkta som blir kasta i EE-avfallet, bør vere heile når dei blir leverte, og produkta må lagrast og transporterast slik at dei ikkje blir skadde eller knuste. Det er vanleg å bruke konteinarar eller pallebur.

Ved innlevering blir EE-avfall sortert i fem ulike typar:

1. lysrøyr

2. andre lyskjelder

3. kablar og leidningar

4. småelektronikk

5. større elektriske produkt

Ein kan levere EE-avfall gratis til forhandlarar som sel tilsvarande produkt. Alle butikkar som sel datamaskinar, mobilar eller annan elektronikk, er pliktige til å ta imot elektronisk avfall viss du tek det med til dei. Ein skal absolutt ikkje kaste elektrisk og elektronisk avfall i restavfallet.

Alle bedrifter kan levere EE-avfall gratis til mottak som har avtale med eit godkjent returselskap.

Handtering av EE-avfall er nærare beskrive i lovverket.

Sortere. (u.å.) Elektrisk og elektronisk avfall. Henta 5. desember 2022 frå https://sortere.no/bedrift/avfallstype/30/elektrisk%20og%20elektronisk%20avfall/

Ungenergi. (2021, 15. juni). Hvorfor gjenvinne ødelagt elektronikk. Henta 5. desember 2022 frå https://ungenergi.no/miljo-klima-samfunn/deg-meg-miljoet/hvorfor-gjenvinne-odelagt-elektronikk/