Oppgåve
Vurder målgrupperetting
Gå saman i grupper og diskuter spørsmål knytte til målgrupperetting. De skal sjå på ein Instagram-profil, eit blogginnlegg, eit utdrag frå NRK-serien Skam og ein reklameplakat for PlayStation.
Erling Braut Haaland inspirerer millionar med prestasjonane sine, både på og utanfor fotballbanen.
Gruppeoppgåver
A. Fotballspelaren Erling Braut Haaland
Erling Braut Haaland er den influensaren i Noreg med størst rekkevidde, med 39,2 millionar følgarar på Instagram. Sjå på Haaland sin Instagram-profil.
- Kven er målgruppa til Erling Braut Haaland sin Instagram-profil?
Diskuter bodskapen i Instagram-postane.
I kva grad trur de målgruppa påverkar kva innhald som blir lagt ut?
B. Influensar Jørgine Masse Vasstrand
Jørgine er kjend som "Funkygine". Les eit blogginnlegg på Funkygine sin blogg:
- Kven er målgruppa til Funkygine?
Diskuter korleis Funkygine tek omsyn til målgruppa når ho formar ut bodskapen sin.
Diskuter kvifor bloggarar og influensarar har eit viktig ansvar når det gjeld kva bodskap dei formidlar til målgrupper.
Jørgine "funkygine" Masse Vasstrand er bloggar. Korleis vender ho seg til målgruppa si?
C. TV-serien Skam
Sjå klippet "Trussel" frå Skam, ein dramaserie for ungdom frå NRK:
- Kven er målgruppa for denne serien?
- Kva er bodskapen i denne episoden?
- Skam er eit døme på eit medieprodukt som fekk eit mykje større publikum enn først planlagt. Kva trur de er årsakene til det?
D. Reklameplakat for Playstation
Sjå på reklameplakaten for PlayStation.
Vurder målgruppa for denne reklameplakaten.
Kva meiner de er bodskapen i reklameplakaten?
- Kor godt synest de bodskap og målgruppe heng saman?
- Kor ville de ha plassert denne reklameplakaten for at han skal treffe målgruppa?